लिभरपुल अन्तिम आठमा

काठमाडौं । प्रिमियर लिग क्लब लिभरपुल एफए कप फुटबलको क्वाटरफाइनलमा प्रवेश गरेको छ ।

बुधबार राति भएको खेलमा नर्विच सिटीलाई २-१ गोल अन्तरले हराउँदै लिभरपुल अन्तिम आठमा पुगेको हो ।

लिभरपुललाई जित दिलाउन ताकुमी मिनामिनोले दुई गोल गरे ।

नर्विचका लुकास रुपले एक गोल फर्काए ।

खेलको २७ औं मिनेटमा मिनामिनोले गोल गर्दै लिभरपुललाई सुरुआती अग्रता दिलाएका थिए ।

खेलको ३९ औं मिनेटमा मिनामिनोले व्यक्तिगत दोस्रो गोल गर्दै लिभरपुललाई २-० को अग्रता दिलाए ।

त्यसपछि खेलको ७६ औं मिनेटमा नर्विचका रुपले गोल गरेपनि लिभरपुल २-१ ले विजयी भयो ।

साउथह्याम्पटन पनि क्वाटरफाइनलमा प्रवेश गरेको छ ।

साउथह्याम्पटनले वेस्ट ह्याम युनाईटेडलाई ३-१ गोल अन्तरले हरायो ।