मार्स लिड्सको मुख्य प्रशिक्षक

काठमाडौं । प्रिमियर लिग क्लब लिड्स युनाईटेडले जेसी मार्सलाई मुख्य प्रशिक्षक नियुक्त गरेको छ ।

लिड्सले आरबी लाइपजिगका पूर्व प्रशिक्षक मार्सलाई मुख्य प्रशिक्षक नियुक्त गरेको हो ।

४८ वर्षीय मार्सले लिड्ससँग तीन वर्षको सम्झौता गरेका छन् ।

लिड्सले आइतबार मुख्य प्रशिक्षक मार्सेलो बिएल्सालाई बर्खास्त गरेको थियो ।

यस सिजन क्लबले खराब प्रदर्शन जारी राखेपछि लिड्सले बिएल्सालाई बर्खास्त गरेको हो ।

६६ वर्षीय प्रशिक्षक २०१८ मा लिड्सको मुख्य प्रशिक्षक नियुक्त भएका थिए।

लिड्स यस सिजन २३ अंक जोडेर १६ औं स्थानमा रहेको छ ।