लाजियोलाई हराउँदै नापोली शीर्ष स्थानमा

काठमाडौं । इटालियन सिरी ए फुटबलमा नापोलीले लाजियोलाई हराएको छ ।

गएराती भएको खेलमा नापोलीले लाजियोलाई २-१ गोल अन्तरले हराएको हो।

खेलको ६२ औं मिनेटमा लोरेन्जो इन्साइनले गोल गर्दै नापोलीलाई अग्रता दिलाएका थिए ।

खेलको ८८ औं मिनेटमा पेड्रोले गोल गर्दै लाजियोलाई १-१ को बराबरीमा ल्याए ।

त्यसपछि खेलको इन्जुरी समयमा फाबियन रुइजले गोल गर्दै नापोलीलाई २-१ को जित दिलाए ।

जितसँगै नापोली लिगको शीर्ष स्थानमा उक्लिएको छ ।

नापोलीले २७ खेलमा ५७ अंक जोडेको छ ।

लाजियो ४३ अंक जोडेर सातौं स्थानमा रहेको छ ।