आठ क्लबका खेलाडीले स्विकृति बिना अन्य क्लबबाट खेल्न नपाउने

काठमाडौं । सहिद स्मारक ए डिभिजन लिग खेलेका आठ क्लबमा दर्ता भएका खेलाडीले क्लबको अनुमति बिना अन्य प्रतियोगिता खेल्न र क्लबमा आबद्द हुन नपाउने भएका छन् ।

च्याम्पियन मछिन्द्र फुटबल क्लबसहित आठ क्लबले आइतबार प्रेस विज्ञप्ति निकाल्दै ए लिगका लागि क्लबमा दर्ता भएका खेलाडीलाई क्लबको स्विकृति बिना अन्य क्लबमा आबद्द नहुन आग्रह गरेको छ ।

अन्य क्लबमा न्युरो टिम एनआरटी, मनाङ मर्स्याङ्दी,सातदोबाटो युथ क्लब, थ्री स्टार क्लब, संकटा क्लब, जावलाखेल युथ क्लब र फ्रेन्ड्स क्लब रहेका छन् ।

यस्तै आठ क्लबले क्लबको अनुमति बिना आफ्ना खेलाडीलाई करारमा सम्झौता नगर्न अन्य क्लबलाई आग्रह गरेको छ।

मोफसलको प्रतिष्ठित प्रतियोगिता खेल्ने तयारी गरिरहेको जनाउँदै आठ क्लबले खेलाडी र अन्य क्लबलाई खेलाडी अनुबन्ध गर्दा क्लबको स्वीकृतिमा गर्न आग्रह गरेको हो ।