पहिलो हाफमा शेर्पालाई १-० को अग्रता

काठमाडौं । सहिद स्मारक ‘ए’ डिभिजन लिग फुटबलमा अहिले सातदोबाटो युथ क्लब र हिमालयन शेर्पा क्लबबीच प्रतिस्पर्धा भईरहेको छ ।

त्रिपुरेश्वरस्थित दशरथ रंगशालामा जारी खेलको पहिलो हाफ सकिदा शेर्पाले १-० को अग्रता बनाएको छ ।

खेलको ४४ औं मिनेटमा विश्वास श्रेष्ठले पेनाल्टीमा गोल गर्दै शेर्पालाई १-० को अग्रता दिलाएका हुन् ।

सातदोबाटोका पिटर सेगुनले पेनाल्टी क्षेत्रमा त्रिदेब गुरुङलाई फउल गरेपछि शेर्पाले पेनाल्टीको अवसर पाएको थियो ।

नवप्रवेशी क्लब सातदोबाटो आज तेस्रो जितको खोजीमा रहेको छ । सातदोबाटो ६ खेलमा ८ जोडेर सातौं स्थानमा रहेको छ ।

शेर्पालाई हराएर सातदोबाटो शीर्ष पाँचमा उक्लन चाहन्छ ।

शेर्पा पनि तेस्रो जितको खोजीमा रहेको छ । शेर्पा ८ अंक जोडेर आठौं स्थानमा रहेको छ ।

सातदोबाटोलाई हराएर शेर्पा पनि शीर्ष पाँचमा उक्लने योजनामा रहेको छ ।