उपाधि जित्न भारतलाई १०२ रनको लक्ष्य

काठमाडौं । एसीसी यू-१९ एसिया कप क्रिकेटको फाइनलमा श्रीलंकाले भारतलाई जितका लागि १ सय २ रनको लक्ष्य दिएको छ ।

दुबईमा टस जितेर पहिले ब्याटिङ गरेको श्रीलंकाले निर्धारित ३८ ओभरमा ९ विकेट गुमाएर १ सय ६ रन बनायो । तर, डीएलको आधारमा भारतले १ सय २ रनको नयाँ लक्ष्य पाएको हो । वर्षाले प्रभावित गरेपछि खेल ३८ ओभरमा झारिएको हो ।

श्रीलंकाका लागि यासिरु रोड्रिगोले अविजित रहदै सर्वाधिक १९ रन बनाए ।

यस्तै रभिन डी सिल्भाले १५ रन जोड्दा सदिशा राजपाक्षे र माथिस पाथिरानाले १४/१४ रन बनाए ।

अन्य खेलाडीले दोहोरो अंक जोड्न सकेनन् ।