काठमाडौं । बंगलादेशका अलराउन्डर सकिब अल हसनले क्रिकेटको तीनवटै फर्मेट खेल्न उनका लागि सम्भव नभएको बताएका छन् ।
कोभिडसँग सम्बन्धित क्वारेन्टाइन तथा परिवारका कारण टी–ट्वान्टी, एकदिवसिय र टेस्ट क्रिकेट खेल्न उनका लागि सम्भव नभएको बताएका हुन् ।
सकिबले जनवरी १ तारिखबाट सुरु हुने न्यूजिल्यान्डविरुद्धको दुई खेलको टेस्ट सिरिज व्यक्ति कारणले समेत नखेल्ने बताइसकेका छन् ।
उनले आफ्ना लागि टेस्ट क्रिकेटको भविष्यबारे सोच्ने समय आएको बताए ।
सकिबले ४० देखि ४२ दिनसम्म केवल दुई टेस्ट खेल्नु उपलब्धि मूलक नहुने र यसले छनोट गरेरमात्र खेल्नुपर्ने अवस्था आउने बताए ।
उनले आफूले टेस्टबाट सन्यास भने नलिएको तथा सन् २०२२ मा हुने विश्व कपपछि टी–ट्वान्टी क्रिकेट नखेल्ने सम्भावना रहेको बताए ।
सकिबले एकदिवसिय तथा टेस्टलाई निरन्तरता दिन सक्ने भएपनि तीनवटै फर्मेटको क्रिकेट भने नखेल्ने स्पष्ट पारे ।
उनले बंगलादेश क्रिकेट बोर्डसँग छलफल गरेर निर्णय लिने जनाए ।
-1749400028.jpeg)
