काठमाडौं । बगलादेशविरुद्धको दुई खेलको टेस्ट सिरिजका लागि घरेलु टोली न्यूजिल्यान्डले टम लाथमको कप्तानीमा १३ सदस्यीय टोलीको घोषणा गरेको छ ।
घाइते भएका केन विलियम्स टोलीमा नआउने भएपछि लाथमलाई कप्तान बनाइएको हो ।
यता भारतविरुद्धको सिरिज गुमाएका डेभोन कनवेलाई भने टिममा समावेश गरिएको छ ।
त्यसैगरी, भारतविरुद्धको टेस्टमा एकै इनिङ्समा १० विकेट हात पारेका अजाज पटेलले पनि स्थान पाएका छैनन ।
भारतविरुद्ध राम्रो बलिङ गरेका स्पीनर राचिन रविन्द्रलाई भने टोलीमा समावेश गरिएको छ ।
यात्राका नियमहरुका कारण भारतविरुद्धको टेस्ट सिरिज गुमाएका ट्रेन्ट बोल्ट भने टोलीमा अटाएका छन् ।
जुन देखि कुनैपनि प्रतियोगितामा सहभागी नभएका निल वाग्नरलाई पनि टोलीमा समेटिएको छ ।
भारतविरुद्ध खराब ब्याटिङ गरेका रोस टेलर भने टिममा अटाएका छन् ।
डेरिल मिचेलले पनि टिममा फर्किएका छन् ।
बंगलादेश र न्यूजिल्यान्डबीचको पहिलो टेस्ट जनवरी १ बाट सुरु हुनेछ ।
-1749400028.jpeg)
