क्रिकेटर कवितालाई आर्थिक सहयोग

काठमाडौं ।  राष्ट्रिय महिला क्रिकेट खेलाडी कविता गौतमलाई नेपाली क्रिकेट समर्थक समाज (एनसीएसएस) ले आर्थिक सहयोग गरेको छ ।

एनसीएसएसले 'कविताको दुखाइ समर्थकको मल्हम' नामक अभियानबाट संकलन गरिएको ८० हजार नगद कवितालाई आइतबार हस्तान्तरण गरेको हो ।

चोटको उपचार गराईरहेकी कवितालाई एनसीएसएसका अध्यक्ष नारायण पराजुलीले सहयोग रकम हस्तान्तरण गरे ।

सहयोग रकम बुज्दै कविताले सरोकार निकायले गर्नु पर्ने सहयोग आम समर्थकबाट भएको भन्दै देश तथा बिदेशबाट साथ सहयोग गर्नुहुने सम्पूर्णलाई धन्यवाद दिदै छिटो भन्दा छिटो मैदान फर्कने कोशिशमा रहेको बताईन् ।