लिग रोक्नुको फाइदा छैन–क्लोप

काठमाडौं । लिभरपुलका मुख्य प्रशिक्षक जर्गन क्लोपले बढ्दो कोभिड संक्रमणलाई लिएर इंग्लीस प्रिमियर लिग रोक्नुको कुनै फाइदा नहुने बताएका छन् । 

तर उनले कोभिड समस्याको समाधान भने हुन नसकेको बताए । 

विकेन्डको १० मध्ये पाँच खेल स्थगित गरिएको छ भने क्लोपले बिहीबार न्यूकासलविरुद्ध ३–१ जित हात पार्नु अघि तीन खेलाडीलाई टिमबाट हटाएका थिए । 

क्लोपका अनुसार उनका सबै खेलाडीले कोभिडविरुद्धको पूर्ण खोप लगाएको तथा कतिपयले 'बुस्टर' खोप लगाएको बताए । 

उनले लिगको खेल स्थगित गर्नु उचित कुरा नभएको बताउदै खेल तालिकामा लचिलो हुनुपर्ने धारणा राखे । 

क्लोपले लिग स्थगित गर्नुको ठूलो फाइदा आफूले नदेखेको बताए । 

पछिल्लो समय विभिन्न क्लबका प्रशिक्षकले लिग स्थगित हुनुपर्ने धारणा राख्दै आएका छन् ।