वेस्ट इन्डिजका तीन खेलाडीमा कोरोना संक्रमण

काठमाडौं । वेस्ट इन्डिज क्रिकेट टिमका तीन खेलाडीलाई कोरोना भाईरसको संक्रमण देखिएको छ।

वेस्ट इन्डिजका शेल्डोन कोट्रेल, रोस्टन चेस र केली मेयर्सलाई कोरोना भाईरसको संक्रमण देखिएको छ ।

घरेलु टिमसँगको सिरिजका लागि पाकिस्तान आईपुगेका उनीहरुमा कोरोना देखिएको हो ।

वेस्ट इन्डिजको म्यानेजमेन्ट टिमका एक जनमा समेत कोरोना देखिएको छ ।

तीनै खेलाडीले टी-ट्वान्टी सिरिज गुमाउने सम्भावना रहेको छ ।

वेस्ट इन्डिजले पाकिस्तानसँग तीन टी–ट्वान्टी र तीन एकदिवसीय सिरिज खेल्नेछ । 

पहिलो टी-ट्वान्टी सोमबार हुनेछ ।