काठमाडौं । नेपाली लेग स्पिनर सन्दीप लामिछाने आबद्द होबार्ट हरिकेन्सले बिग बास लिग (बीबीएल) टी-ट्वान्टी क्रिकेटमा आज सिड्नी सिस्कर्ससँग प्रतिस्पर्धा गर्दैछ ।
होबार्टले सिड्नीसँग सिड्नी क्रिकेट मैदानमा खेल्नेछ । खेल नेपाली समय अनुसार दिउँसो १:२० मा सुरु हुनेछ ।
होबार्टको यो दोस्रो खेल हो । पहिलो खेलमा होबार्ट सिड्नीसँग नै १४ रनले पराजित भएको थियो ।
सिड्नीविरुद्ध सन्दीप प्लेईङ सेटमा पर्ने सम्भावना रहेको छ । पहिलो खेलमा उनले १ विकेट हात पारेका थिए ।
सन्दीपले लगातार दोस्रो सिजन होबार्टबाट खेल्न लागेका हुन् ।
सन्दीपले गत सिजन होबार्टका लागि ८ खेल खेल्दै ८ विकेट लिएका थिए ।
त्यसअघि सन्दीपले मेलबर्न स्टार्सबाट बिग बास लिग खेलेका थिए । सन्दीप बिग बास लिग खेल्ने पहिलो नेपाली खेलाडी हुन् ।
