नेपाल फर्कन पाउँदा निकै उत्साहित छु– पुबुदु 

काठमाडौं । नेपाली राष्ट्रिय क्रिकेट टिमका लागि दोस्रो पटक मुख्य प्रशिक्षकको रुपमा नियुक्त भएका पुबुदु दासानायकेले आफू नेपाल फर्कन पाउँदा निकै उत्साहित रहेको बताएका छन् ।

नेपाल क्रिकेट संघ (क्यान)ले दासानायकेलाई दोस्रो पटक मुख्य प्रशिक्षकको रुपमा नियुक्त गरेको हो । 

मुख्य प्रशिक्षक नियुक्त भएपछि प्रतिक्रिया दिदै दासानायकेले नेपाल फर्कन पाउँदा निकै उत्साहित रहेको बताए । 

‘नेपाल फर्कन पाउँदा निकै उत्साहित छु,’ दासानायकेले खेलपाटीलाई भने । 

उनले नयाँ चुनौतीहरुको प्रतिक्षामा रहेको समेत बताए । 

‘नयाँ चुनौतीहरुको प्रतिक्षामा छु,’ दासानायकेले थपे । 

क्यानको प्रशिक्षक छनोट समितिले दासानायकेलाई मुख्य प्रशिक्षकमा नियुक्त गरेको हो ।

यस अघि दासानायके सन् २०११ देखि २०१५ सम्म नेपालका मुख्य प्रशिक्षकको रुपमा रहेका थिए । 

उनकै प्रशिक्षणमा नेपालले पहिलो पटक सन् २०१४ मा आईसीसी टी–ट्वान्टी विश्वकप खेलेको थियो । 

दासानायकेलाई नेपालको एक सफल क्रिकेट प्रशिक्षको रुपमा लिइन्छ । 

मुख्य प्रशिक्षक डेव ह्वाटमोरले राजीनामा दिएपछि नेपाली टिम मुख्य प्रशिक्षक विहिन रहेको थियो । 

ओमानमा भएको आईसीसी विश्वकप क्रिकेट लिग–२ को त्रिकोणात्मक एकदिवसीय सिरिजपछि ह्वाटमोरले राजीनामा दिएका थिए ।