काठमाडौं । दक्षिण अफ्रिका क्रिकेट बोर्डका अध्यक्ष लसन नाइडुले भारतीय क्रिकेट टिमले दक्षिण अफ्रिकाको भ्रमण नगर्ने कुनै जानकारी आफूलाई नभएको बताएका छन् ।
भारतले डिसेम्बर १७ देखि जनवरी २६ सम्म हुने एकदिवसिय, टी–ट्वान्टी र टेस्ट सिरिजका लागि दक्षिण अफ्रिकाको भ्रमण गर्ने तय भएको छ ।
न्यूजिल्यान्डविरुद्धको टेस्ट क्रिकेटपछि भारत डिसेम्बर ८ वा ९ तारिखमा दक्षिण अफ्रिका जाने योजना रहेको छ ।
भारत र दक्षिण अफ्रिकाबीच तीन टेस्ट, तीन एकदिवसिय र चार टी–ट्वान्टी खेल हुने तय भएको छ ।
कोभिड–१९ को नयाँ भेरियन्ट ओमिक्रोनका कारण भ्रमण रद्द हुन सक्ने आशंका गरिएको छ ।
तर दक्षिण अफ्रिका बोर्डका अध्यक्ष नाइडुले भने आफूलाई भ्रमण स्थगित भएको कुनै जानकारी नरहेको प्रस्ट पारेका छन् ।
उनले दुई बोर्डबीचको छलफलपछि मात्र कुनै परिवर्तनबारे निर्णय लिइने समेत जनाए ।
अहिले भारतको ‘ए’ टिमले अहिले दक्षिण अफ्रिकाको ‘ए’ टिमसँग चारदिवसिय खेल्दैछ ।
