महमूदुल्लाहद्वारा टेस्ट क्रिकेटबाट सन्यास

काठमाडौं । बंगलादेशका टी-ट्वान्टी टिमका कप्तान महमूदुल्लाहले टेस्ट क्रिकेटबाट सन्यास घोषणा गरेका छन् ।

बंगलादेश क्रिकेट बोर्डले महमूदुल्लाहले टेस्ट क्रिकेटमा सन्यास घोषणा गरेको जनाएको छ ।

३५ वर्षीय अलराउण्डर महमूदुल्लाहले यसै वर्ष जिम्बावेविरुद्धको सिरिजबाट टेस्टमा पुनरागमन गरेका थिए ।

महमूदुल्लाहले सन् २००९ मा वेस्ट इन्डिजविरुद्ध टेस्टमा डेब्यु गरेका थिए ।

उनले बंगलादेशका लागि ५० टेस्टमा २९ सय १४ रन जोडेका छन् । जसमा पाँच शतक रहेको छ ।

यस्तै उनले ४३ विकेट लिएका छन् ।

महमूदुल्लाहले एकदिवसीय र टी-ट्वान्टी भने खेल्नेछन् ।