‘पाकिस्तान–भारतबीच क्रिकेट तत्काल सम्भव छैन’

काठमाडौं । अन्तर्राष्ट्रिय क्रिकेट काउन्सिल (आईसीसी) का कार्यवाहक प्रमुख कार्यकारी अधिकृत ज्योफ अलार्डिसले पाकिस्तान–भारतबीच तत्काल दुईपक्षिय क्रिकेट श्रृङखला हुने सम्भावना नरहेको बताएका छन् ।

‘हाम्रो कार्यक्रम अन्तर्गत उनीहरुले खेल्दा हामी अवश्यपनि रमाइलो गर्छौ । तर दुई देश तथा बोर्डबीचको सम्बन्धका कारण आईसीसीले उनीहरुलाई प्रभाव पार्न सकेको छैन,’ अलार्डिसले बताए ।

पछिल्लो पटक भारतले पाकिस्तानलाई दुई पक्षिय क्रिकेट श्रृङखलाका लागि सन् २०१३ मा बोलाएको थियो । त्यसपछि उनीहरुबीच क्रिकेट श्रृङखला भएको छैन ।

तर उनीहरु आईसीसीले आयोजना गर्ने प्रतियोगिताहरुमा भने एकअर्काविरुद्ध खेल्ने गरेका छन् ।

हालै आईसीसी टी–ट्वान्टी विश्वकपमा भारत र पाकिस्तानबीच भएको खेलमा पाकिस्तान विजयी भएको थियो ।

पाकिस्तानले भारतलाई कुनैपनि विश्वकपमा भारतलाई पहिलो पटक पराजित गरेको थियो ।

अलार्डीसका अनुसार दुईपक्षिय क्रिकेटका लागि दुबै बोर्ड सहमत भए तिनीहरुबीच खेल हुन्छ, यदि सहमत भएन भने उनीहरुबीच खेल हुदैन ।

र अलार्डीसले पाकिस्तान र भारतबीच दुईपक्षिय क्रिकेट हुने कुनै सम्भावना देखेका छैनन ।