माहुरीको आक्रमणले खेल स्थगित

काठमाडौं । माहुरीहरुको झुण्डले आक्रमण गरेपछि न्यूजिल्यान्डमा एक क्रिकेट खेल स्थगित गरिएको छ ।

बासिन रिजर्भमा प्लङकेट शिल्ड खेलिरहेका क्यान्टरवरी र वेलिङटनबीचको खेल चलिरहदा माहुरीको झुण्ड मैदानमा आएको थियो ।

मैदान वरीपरी माहुरी डुल्न थालेपछि खेलाडी तथा खेल पदाधिकारीहरु मैदानमै बसेका तथा निहुरिएका थिए ।

चार दिने खेलको दोस्रो दिन अर्थात आईतबार माहुरीहरुको झुण्ड मैदानमा प्रवेश गरेको थियो ।

यस अघि पनि इंग्ल्यान्ड तथा दक्षिण अफ्रिकामा क्रिकेट खेल चलिरहेका बेला माहुरीको झुण्डले आक्रमण गरेको थियो ।

सन् २०१९ को जुनमा इंग्ल्यान्डको डुरहममा क्रिकेट विश्वकपको श्रीलंका र दक्षिण अफ्रिकबीच खेल चलिरहदा माहुरीको झुण्डले आक्रमण गरेको थियो ।

त्यसको दुई वर्ष अघि श्रीलंका र दक्षिण अफ्रिकाबीच नै दक्षिण अफ्रिकाको जोहानेसवर्गमा खेल चलिरहदा मैदानमा माहुरीको झुण्ड प्रवेश गरेको थियो ।