बेन स्टोक्स एसेस खेल्ने इंग्ल्यान्डको टिममा

काठमाडौं । इंग्ल्यान्डका अलराउण्डर बेन स्टोक्सले अष्ट्रेलियाविरुद्ध एसेस टेस्ट सिरिज खेल्ने भएका छन् ।

इंग्ल्यान्ड एण्ड वेल्स क्रिकेट बोर्डले एसेस सिरिज खेल्ने टिममा स्टोक्सलाई समावेश गरिएको जनाएको छ ।

स्टोक्सको औलाको चोट समेत ठिक भईसकेको इंग्ल्यान्डले जनाएको छ ।

यस अघि स्टोक्सले गत जुलाईमा सबै खाले क्रिकेटबाट अनिश्चितकालका लागि विश्राम लिने घोषणा गरेका थिए ।

त्यसयता उनले क्रिकेट खेलेका छैनन् ।

स्टोक्सले आफ्नो मानसिक स्वास्थ्यलाई प्राथमिकतामा राख्दै क्रिकेटबाट अनिश्चितकालका लागि विश्राम लिने निर्णय गरेका थिए।

तर, स्टोक्स एसेस सिरिजबाट खेलमा फर्कने भएका छन् ।

'म मेरा साथीहरुसँग भेट्न र उनीहरुसँग मैदानमा खेल्न उत्सुक छु । अष्ट्रेलियाका लागि म तयार छु,' उनले भनेका छन् ।