बंगलादेशमाथि श्रीलंकाको जित  

काठमाडौं ।  आईसीसी टी–ट्वान्टी विश्वकप क्रिकेट अन्तर्गत सुपर १२ को खेलमा श्रीलंकाले बंगलादेशलाई पराजित गरेको छ ।

सारजाहमा आइतबार भएको खेलमा श्रीलंकाले बंगलादेशमाथि ५ विकेटको जित निकालेको हो ।

बंगलादेशले दिएको १ सय ७२ रनको लक्ष्य श्रीलंकाले १८ ओभर ५ बलमा ५ विकेट गुमाएर पूरा गर्यो ।

श्रीलंकाको जितमा चारिथ असलन्काले अविजित रहदै ८० रनको अर्धशतकीय इनिङ्स खेले ।

भानुका राजपाक्षेले ५२ रनको अर्धशतकीय इनिङ्स पाथुम निशन्काले २४ रन बनाए ।

बंगलादेशका नासुम अहमेद र शकिब अल हसनले २/२ विकेट लिए ।  

यस अघि पहिले ब्याटिङ गरेको बंगलादेशले २० ओभरमा ४ विकेट गुमाएर १ सय ७१ रन बनाएको थियो ।

बंगलादेशका मोहमद नाइमले ६२ रनको अर्धशतकीय इनिङ्स खेले ।

मुस्फिकर रहिमले अविजित रहदै ५२ रन बनाए ।

लिटोन दासले १६, शकिब अल हसनले १० रन जोड्दा कप्तान महमुद उल्लाहले अविजित १० रन बनाए ।

श्रीलंकाका चामिका करुनारत्ने, बेनुरा फर्नान्डो र लाहिरु कुमाराले १/१ विकेट लिए ।

यस जितसँगै समूह १ को श्रीलंकाले २ अंक जोडेको छ ।

श्रीलंका समूहको दोस्रो स्थानमा रहेको छ ।

बंगलादेश पाँचौं स्थानमा रहेको छ ।