भारत र इंग्ल्यान्डबीचको स्थगित टेस्ट अर्को वर्ष

काठमाडौं ।  इंग्ल्यान्ड र भारतबीचको स्थगित भएको पाँचौं टेस्ट आगामी वर्ष हुने भएको छ ।

इंग्ल्यान्ड र भारतबीच स्थगित पाँचौं टेस्ट आगामी वर्षको जुलाई १ देखि ५ सम्म हुने भएको हो ।  

गत सेप्टेम्बरमा खेलाडीलाई कोरोना संक्रमण भएपछि पाँचौं तथा अन्तिम टेस्ट स्थगित भएको थियो ।  

इंग्ल्यान्ड भ्रमणमा रहेको भारतले यस टेस्टमा २-१ को अग्रता बनाएको छ ।  

यस्तै भारत र इंग्ल्यान्डबीच जुलाईमा तीन खेलको टी-ट्वान्टी र एकदिवसीय सिरिज समेत हुनेछ ।  

जुलाई ७ मा टी-ट्वान्टी सिरिज सुरु हुनेछ ।  

एकदिवसीय १२ जुलाईमा सुरु हुनेछ ।