काठमाडौं । ईन्डियन प्रिमियर लिग (आईपीएल) टी-ट्वान्टी क्रिकेटमा कोलकत्ता नाइट राइडर्सले सहज जित निकालेको छ ।
सारजाहमा बिहीबार राति भएको खेलमा कोलकत्ताले राजस्थान रोयल्सलाई ८६ रनले हराएको हो ।
कोलकत्ताले दिएको १ सय ७२ रनको लक्ष्यसहित जवाफी ब्याटिङ गरेको राजस्थान १६ ओभर १ बलमा अलआउट हुँदै ८५ रनमा समेटियो ।
राजस्थानका राहुल टेवाटियाले सर्वाधिक ४४ रन बनाए । शिबम डुबेले १८ रन बनाए ।
राजस्थानलाई सस्तैमा समेट्न कोलकत्ताका शिभम माभीले ४ तथा लकी फर्गुसनले ३ विकेट लिए ।
यस अघि पहिले ब्याटिङ गरेको कोलकत्ताले २० ओभरमा ४ विकेट गुमाएर १ सय ७१ रन बनाएको थियो ।
कोलकत्ताका शुबमन गिलले ५६ रनको अर्धशतकीय इनिङ्स खेले । भेन्काटेस इयरले ३८ तथा राहुल त्रिपाठीले २१ रन बनाए ।
राजस्थानका क्रिस मोरिस,चेतन शाकरिया,राहुल टेवाटिया र ग्लेन फिलिप्सले १/१ विकेट लिए ।
यस जितसँगै कोलकत्ता १४ खेलमा १४ अंक जोडेर चौंथो स्थानमा उक्लिएको छ ।
कोलकत्ताको प्ले अफ सम्भावना कायम राखेको छ ।
राजस्थान १० अंक जोडेर सातौं स्थानमा रहेको छ ।
