जिएचसिएको क्रिकेट टिम भारत भ्रमणमा

काठमाडौं । ग्रेट हिमालय क्रिकेट एकेडेमीका खेलाडी भारत भ्रमणमा निस्किएका छन् ।

भारतको एपी क्रिकेट एकडेमीसँगको मैत्रीपूर्ण सिरिज र विशेष प्रशिक्षणको लागि जिएचसिएको क्रिकेट टिम नयाँ दिल्लीको भ्रमणमा निस्किएको हो ।

जिएचसिएको टिमले एपी एकेडेमीसँग ४ खेलको एकदिवसीय र दुई टी-ट्वान्टी सिरिज खेल्नेछ । टी-ट्वान्टी सिरिज राति लाइटको सहायतामा खेलिने छन् ।

जिएचसिएको खेलाडीले भारतका लेभल-२ प्रशिक्षक मनिन्दिर सिंहसँग विशेष प्रशिक्षण लिने छन् ।  

जिएचसिएको १५ सदस्सीय टोलीलाई शनिबार राखेपका क्रिकेट प्रशिक्षक जगत टमटाले बिदाइ गरे ।

भारत जाने टिम :

खेलाडी - आयुस कुमार झा, आर्जन सिम्खडा,सादित्य बन्जारा,विकेश श्रेष्ठ , परिक्षित ढकाल, अनुरोध पन्त, इशान श्रेष्ठ, क्रिस कार्की, सन्देश पंगेनी, चन्दन राम,प्रवंजय केसी, गौरभ गजुरेल,सौगात दंगाल

समिर राज पाण्डे - प्रशिक्षक 

सुरज केसी - म्यानेजर