लिड्स र न्युकासलको बराबरी

काठमाडौं । इंग्लिस प्रिमियर लिग फुटबलमा लिड्स युनाईटेड र न्युकासल युनाईटेडले बराबरी खेल्दै अंक बाडेका छन् ।

शुक्रबार राति भएको खेलमा लिड्स र न्युकासलले १-१ गोलको बराबरी खेलेका हुन् ।

न्युकासलको मैदानमा सुरुवाती अग्रता भने लिड्सले बनाएको थियो ।

खेलको १३ औं मिनेटमा राफिन्हाको गोलबाट लिड्सले सुरुवाती अग्रता बनाएको थियो ।

तर, खेलको ४४ औं मिनेटमा एलन सेन्ट म्याक्सिमिनले गोल गर्दै न्युकासललाई १-१ गोलको बराबरीमा ल्याएका थिए ।

यस बराबरीसँगै लिड्सले ५ खेलमा ३ अंक जोडेको छ । लिड्स १६ औं स्थानमा रहेको छ ।

न्युकासल २ अंक जोडेर १८ औं स्थानमा रहेको छ ।