हालरको स्वप्निल डेब्यु

एजेन्सी । सेबेस्टियन हालरले च्याम्पियन्स लिग फुटबलमा एक महान डेब्यु गरेका छन् ।

डच क्लब अजाक्सबाट च्याम्पियन्स लिगमा डेब्यु गरेका उनले पहिलो खेलमै चार गोल गरे ।

हालर प्रेरित अजाक्सले च्याम्पियन्स लिगको यस सिजनको पहिलो खेलमा पोर्चुगलको स्पोर्टिङ लिस्वोनलाई ५–१ गोल अन्तरले हराएको छ ।

हालरले खेलको दोस्रो मिनेटमै अजाक्सको खाता खोलेका थिए । नवौं मिनेटमा उनले टिमको अग्रता दोब्बर बनाए ।

डायस फर्नान्डिसले ३३ औं मिनेटमा गोल गर्दै घरेलु टोलीलाई खेलमा फर्काउने कोशिश गरेका थिए । तर हालरले ५१ र ६३ औं मिनेटमा गोल गर्दै अजाक्सको जित सुनिश्चित गरे र च्याम्पियन्स लिगको डेब्यु खेलमा चार गोल गर्ने दोस्रो खेलाडी बने ।

डच टिमका लागि थप एक गोल स्टेभन बर्गुइसको नाममा रह्यो ।

डच खेलाडी हालरले यसअघि इटालिन जायन्ट क्लबबाट युरोपियन कप खेलिसकेका छन् ।

उनी गत प्रशासनिक त्रुटिका कारण युरोपा लिग खेल्ने टिमबाट बाहिर रहेका थिए ।

समूह सीको अर्को खेलमा बोरुसिया डर्टमण्डले इस्तानबुलको बेसिक्टासलाई हराउँदै नयाँ सिजनको सुखद सुरुवात गरेको छ ।

समूह सीमा अजाक्स र डर्टमण्डले समान ३ अंक जोडेका छन् ।