काठमाडौं। घरेलु समर्थकको हुलदंगापछि फ्रेन्च लिग वान फुटबल अन्तर्गत निस र मार्सेलीबीचको खेल स्थगित भएको छ।
आइतबार राति घरेलु टोली निसका समर्थकहरु विपक्षी टिमका खेलाडीलाई बोतल प्रहार गर्दै मैदान छिरेर हुलदंगा गरेपछि खेल स्थगित गरिएको हो।
दोस्रो हाफको खेल चलिरहदा मार्सेलीका डिमित्री पायटलाई निसका समर्थकले बोतल प्रहार गरेका थिए।
पायटले त्यहिँ बोतल टिपेर समर्थकतर्फ प्रहार गरेपछि समर्थकहरु मैदान छिरेर हुलदंगा मच्चाएका थिए। समर्थकलाई नियन्त्रणमा लिन सेक्युरिटीलाई गार्हो परेको थियो।
त्यसपछि मार्सेलीका खेलाडीले पुन: खेल्न अस्विकार गरेपछि खेल स्थगित गरिएको हो।
खेल स्थगित हुनु अघि निस १-० ले अघि रहेको थियो । निसका कास्पर डोल्बर्गले गोल गरेका थिए।
