काठमाडौं । स्पेनिस ला लिगा फुटबलमा साविक विजेता एटलेटिको मड्रिडले लगातार दोस्रो जित निकालेको छ ।
आइतबार राति भएको खेलमा इल्चेलाई १-० गोल अन्तरले पराजित गर्दै एटलेटिकोले लगातार दोस्रो जित निकालेको हो ।
एटलेटिकोलाई जित दिलाउन एन्जल कोर्रियाले निर्णायक गोल गरे । उनले खेलको ३९ औं मिनेटमा गोल गरेका थिए ।
यस जितसँगै एटलेटिकोले २ खेलमा ६ अंक जोडेको छ ।
एटलेटिको शीर्ष स्थानमा उक्लिएको छ ।
पहिलो खेलमा एटलेटिकोले सेल्टा भिगोलाई २-१ गोल अन्तरले पराजित गरेको थियो ।
इल्चेको यो पहिलो हार हो । इल्चेले २ खेलमा १ अंक जोडेको छ ।
