चेल्सीका इमर्सन फ्रेन्च क्लबमा

काठमाडौं । इंग्लिस क्लब चेल्सीका डिफेन्डर इमर्सन पाल्मेरी फ्रेन्च क्लब लियोनमा अनुबन्धित भएका छन् ।

लिग वान क्लब लियोनले एक सिजनका लागि लोनमा इमर्सनलाई अनुबन्ध गरेको हो ।

२७ वर्षीय इटालियन लेफ्ट ब्याक इमर्सन २०१८ मा रोमाबाट चेल्सी आएका थिए ।

चेल्सीका लागि उनले ७१ खेल खेलेका छन् ।

मार्कुस अलन्सो र बेन चेलविलले लेफ्ट ब्याकको भूमिका सम्हाल्ने भएको कारण चेल्सीले उनलाई लोनमा लियोन पठाएको हो ।

चेल्सीबाट उनले च्याम्पियन्स लिग, युरोपा लिग, सुपर कप र एफए कप जितेका छन् ।

इटालीका लागि उनले १९ खेल खेलेका छन् ।