रोमाले अब्राहम अनुबन्ध गर्ने

काठमाडौं । इटालियन क्लब रोमाले इंग्ल्यान्डका स्ट्राइकर ट्यामी अब्राहमलाई अनुबन्ध गर्ने भएको छ ।

रोमासँगको सम्झौताका लागि अब्राहम आइतबार इटाली प्रस्थान गरेका छन् ।

चेल्सीका फरवार्ड अब्राहमको आइतबार नै रोमामा मेडिकल हुने बताईएको छ ।

अब्राहम ३४ मिलियन पाउण्डमा रोमामा अनुबन्धित हुने भएका हुन् ।

२३ वर्षीय फरवार्डले रोमासँग ५ वर्षको सम्झौता गर्ने बताईएको छ ।

चेल्सीको एकेडेमीमा हुर्किएका अब्राहमले २०१६ मा सिनियर टिममा डेब्यु गरेका थिए ।

चेल्सीका लागि उनले ८२ खेलमा ३० गोल गरेका छन् ।

गत सिजन उनले चेल्सीका लागि २२ खेलमा ६ गोल गरेका थिए ।