पिएसजीको जितमा काभानी,नेयमार र म्युनिरको गोल

एजेन्सी । साबिकको विजेता पेरिस सेन्ट जर्मेन (पिएसजी) ले फ्रेन्च लिग वान फुटबलमा अपराजित यात्रा कायम राखेको छ । 

बुधबार राति भएको खेलमा स्टेड रेइम्सलाई ४ - १ ले हराएर पिएसजीले लिगमा लगातार सातौं जित निकाल्न सफल भएको छ । 

घरेलु मैदानमा पिएस्ज्ले एक गोलले पछि परेको स्थिति उल्टाएर जित निकालेको हो । पिएसजीलाई जित दिलाउन एडिनसन काभानीले दुई गोल गरे ।

यस्तै नेयमार र थोमस म्युनिरले एक एक गोल थपे ।  रेइम्सका जेभियर चाभेलिनले एक गोल फर्काए ।

जितसंगै शीर्ष स्थानको पिएसजीले ७ खेलबाट २१ अंक जोडेको छ । पिएसजी दोस्रो स्थानको ओलम्पिक लियोन भन्दा ८ अंकले अघि छ ।