मिलान शीर्ष दुईमा

एजेन्सी । इटालियन सिरी ए फुटबलमा एसी मिलानले जित निकालेको छ ।

शनिबार राति भएको खेलमा मिलानले बेनेभेन्टोलाई २-० गोल अन्तरले पराजित गरेको हो ।

मिलानलाई जित दिलाउन हाकन कल्हानोग्लु र थियो हर्नान्डेजले एक एक गोल गरे ।

खेलको छैटौं मिनेटमा हाकनले गोल गर्दै मिलानलाई १-० को अग्रता दिलाएका थिए ।

त्यसपछि खेलको ६० औं मिनेटमा हर्नान्डेजले गोल गर्दै मिलानलाई २-० को जित दिलाए ।

जितसँगै मिलान लिगको दोस्रो स्थानमा उक्लिएको छ ।

मिलानले ३४ खेलमा ६९ अंक जोडेको छ ।

बेनेभेन्टो ३१ अंक जोडेर १८ औं स्थानमा रहेको छ ।