सेफिल्डविरुद्ध लिभरपुलको सहज जित

एजेन्सी । इंग्लिस प्रिमियर लिग फुटबलमा साविक विजेता लिभरपुलले जित निकालेको छ ।

आइतबार राति भएको खेलमा लिभरपुलले सेफिल्ड युनाईटेडलाई २-० गोल अन्तरले पराजित गरेको हो ।

सेफिल्डको मैदानमा लिभरपुलका लागि कुर्टिस जोन्सले एक गोल गरे । सेफिल्डका किन ब्रायनले एक आत्मघाती गोल गरे ।

खेलको पहिलो हाफ गोलरहित बराबरीमा सकिएको थियो ।

तर, खेलको ४८ औं मिनेटमा जोन्सले गोल गर्दै लिभरपुललाई अग्रता दिलाएका थिए ।

त्यसपछि खेलको ६५ औं मिनेटमा ब्रायनले आत्मघाती गोल गर्दा लिभरपुलले २-० को जित निकाल्यो ।

जितसँगै लिभरपुल छैटौं स्थानमा उक्लिएको छ ।

लिभरपुलको २६ खेलमा ४३ अंक रहेको छ ।

सेफिल्ड ११ अंक जोडेर पुछारमा रहेको छ ।