डर्टमण्डको सहज जित

एजेन्सी । जर्मन बुन्डेसलिगा फुटबलमा बोरुसिया डर्टमण्डले फराकिलो जित निकालेको छ ।

शनिबार राति भएको खेलमा डर्टमण्डले साल्केलाई ४-० गोल अन्तरले पराजित गरेको हो ।

साल्केको मैदानमा डर्टमण्डलाई जित दिलाउन अर्लिङ हालाण्डले दुई गोल गरे ।

यस्तै जाडोन सान्चो र राफेल गुएरेरोले एक एक गोल गरे ।

खेलको ४२ औं मिनेटमा सान्चोको गोलबाट डर्टमण्डले अग्रता बनाएको थियो ।

खेलको ४५ औं मिनेटमा हालाण्डले गोल गरेपछि डर्टमण्डको अग्रता २-० को बन्यो ।

खेलको ६० औं मिनेटमा राफेलले गोल गर्दा डर्टमण्ड ३-० ले अघि रह्यो ।

त्यसपछि खेलको ७९ औं मिनेटमा हालाण्डले व्यक्तिगत दोस्रो गोल गरेपछि डर्टमण्ड ४-० ले विजयी भयो ।

जितसँगै डर्टमण्डले २२ खेलबाट ३६ अंक जोडेको छ ।

डर्टमण्ड लिगको छैटौं स्थानमा रहेको छ ।

साल्के ९ अंक जोडेर पुछारमा रहेको छ ।