बि.टी कप नकआउट फुटबल फागुन १६ बाट

पोखरा । बुद्धटोल युवा क्लब बगरको आयोजनामा चौंथो बिरेन स्मृति १४ औं बि.टी कप सेभेन ए साईड नकआउट अन्तर क्लब फुटबल प्रतियोगिता फागुन १६ गतेदेखि सुरु हुने भएको छ ।

पोखराको टुडिखेलमा “वर्तमान आधुनिक समाजको स्वरुप संरचना र समाजिक ज्ञान शिक्षा र स्वास्थ्यको लागि खेलकुद” भन्ने नारा सहित क्लबका सदस्य स्व. बिरेन गुरुङको स्मृतिमा १४ औं बि.टी कप प्रतियोगिता भएको हो ।

शनिबार पोखरामा पत्रकार सम्मेलन गर्दै क्लबका अध्यक्ष विजया गुरुङले प्रतियोगितामा अनुमानित ५० टिमको सहभागिता रहने जानकारी दिईन ।

फागुन २२ सम्म चल्ने प्रतियोगिताको बिजेता टिमले ट्रफि , मेडल, तथा प्रमाणपत्र सहित १ लाख ३२ हजार २सय २२ रुपैया प्राप्त गर्ने क्लबका प्रचारप्रसार संयोजक अमृत गुरुङले जानकारी दिए ।

गुरुङका अनुसार उपबिजेता टिमले ट्रफि , मेडल तथा प्रमाणपत्र सहित ८२ हजार २सय २२ रुपैया हात पार्नेछ ।

गुरुङले प्रतियोगितामा बिद्यागत पुरस्कार तर्फ म्यान अफ दि म्याचलाई ट्रफि प्रदान गरिने छ । त्यस्तै उत्कृष्ट खेलाडीलाई ५ हजार, उत्कृष्ट गोलरक्षक, मिडफिल्डर, हाईस्कोरर डिफेण्डरलाई ३ हजार र अनुशासिशत टिमले ७ हजार प्राप्त गर्नेछन् ।

प्रतियोगितालाई बि.टी हङकङ, र बि.टी युके सहप्रायोजक गरेको आयोजकले जनाएको छ ।