भेट्रान फुटबलको प्रवर्द्धन गर्न एन्फा र एफएमटीबीच सम्झौता

काठमाडौं । अखिल नेपाल फुटबल संघ (एन्फा) ले नेपालमा भेट्रान फुटबलको प्रवर्द्धनका लागि फुटबलर्स मिसन टुगेदर (एफएमटी) सँग सम्झौता गरेको छ ।

एन्फाले शुक्रबार दशरथ रंगशालामा एफएमटीसँग सम्झौता गरेको हो ।

एन्फाका महासचिव इन्द्रमान तुलाधर र एफएमटीका अध्यक्ष तथा पूर्व राष्ट्रिय खेलाडी बिष्णु गोपाल श्रेष्ठले सम्झौता पत्रमा हस्ताक्षर गरे ।

सम्झौतासंगै एफएमटी नेपालको भेट्रान्स फुटबलको प्रशासकीय निकायको रुपमा रहने छ । एन्फाले भेट्रान्स फुटबल गतिविधिलाई विकास गर्न सहयोग गर्नेछ ।

यस्तै एफएमटीले भेट्रान फुटबलबारे नियम र मापदण्डहरुको निर्माण गर्नेछ ।

यस्तै एफएमटीले आर्थिक वर्ष २०७८/ ७९ मा काठमाडौं उपत्यकाका नगरपालिकाको लागि डेपुटी मेयर यू -१२ फुटबल प्रतियोगिता आयोजना गर्नेछ ।