साफ च्याम्पियनसिप : भारत फाइनलमा, माल्दिभ्ससंग उपाधिका लागि खेल्ने

ढाका । साबिकको उपविजेता भारत बंगलादेशमा जारी साफ च्याम्पियनसिपको फाइनलमा प्रवेश गरेको छ । 

बुधबार भएको दोस्रो सेमिफाइनलमा पाकिस्तानलाई ३ - १ ले हराएर भारत उपाधि नजिक पुगेको हो ।

बंगबन्धु रंगशालामा भारतलाई जित दिलाउन मानविर सिंहले २ गोल गर्दा सुमित पसाईले एक गोल गरे । पाकिस्तानका मोहमद अलीले एक गोल फर्काए ।

खेलको अन्तिम पाँच मिनेट दुवै टोली १० खेलाडीमा समेटिएको थियो । खेलको ८६ औं मिनेटमा भारतका लाल्लियनजुवला चाङगाटे र पाकिस्तानका मोहसिन अलीले रातो कार्ड पाएका थिए ।

अब भारतले फाइनलमा माल्दिभ्सको सामना गर्नेछ । माल्दिभ्सले नेपाललाई ३ - ० ले हराएर शनिबार हुने फाइनलमा स्थान पक्का गरिसकेको छ ।