अश्मिनाको कप्तानीमा बागमती प्रदेशको टिम घोषणा
काठमाडौं । प्रधानमन्त्री कप राष्ट्रिय महिला क्रिकेट प्रतियोगिताको लागि बागमती प्रदेश क्रिकेट संघले खेलाडी छनोट गरेको छ ।
चितवनको गौतमबुद्ध अन्तराष्ट्रिय क्रिकेट रंगशालाको नमुना खेल मैदानमा भएको दुई दिने छनोट गरेर बागमती प्रदेशले खेलाडीकाे सुचि सार्वजनीक गरेकाे हाे ।
पीएम कपको लागि बागमतीले अश्मिना कर्माचार्यको कप्तानीमा १४ सदस्यीय खेलाडी छनोट गरेको हो ।
टिममा कप्तान अशमिना सँगै उपकप्तान सुमन खतिवडा, कञ्चन श्रेष्ठ, आरती बिडारी, अस्मिता खरेल, हलेसी गुरुङ, निशा तामाङ, सुजिता थापा, अनिशा मजाकोटी, रविना बिशङ्खे, खुसी डंगोल, बिन्दु राटोल, कृष्मा गुरुङ र केनुका बस्नेत रहेका छन् ।
यस्तै अतिरिक्त खेलाडीमा एस्टर गुरुङ, सञ्जिता भटराई, एन्नी पोख्रेल र निकिता एमडा रहेकी छिन् ।
महिला पीएम कप पौष ११ बाट दाङको लमहीमा सुरु भएको छ ।
समुह एकाे खेल चल्दै गर्दा एपीएफ र लुम्बिनी प्रदेश सेमिफाइनल पुगिसकेका छन् ।
बागमतीले प्रतियोगितामा आफ्नो पहिलो खेल मंगलबार खेल्ने छ ।
प्रतियोगिता अन्तर्गत (भोली) सोमबार दूई खेल हुनेछ ।
पहिलो खेलमा प्रतियोगिताबाट बाहिरी सकेका कर्णाली र प्रदेश २ को बीच प्रतिस्पर्धा हुनेछ । दोस्रो खेलमा सेमिफाइनल पुगिसकेका एपीएफले लुम्बिनीको सामना गर्नेछ ।
एपीएफ र लुम्बिनी दुवै टिम एक खेल अगावै सेमिफाइनलमा पुगेका हुन् ।
समुह ए मा रहेको कर्णाली प्रदेश र प्रदेश २ भने एक खेल अगावै प्रतियोगिताबाट बाहिरिएको छन् ।
