साफमा सेमिफाइनलमा पुर्याउने पहिलो नेपाली प्रशिक्षक बने 'बाल गोपाल'

काठमाडौं । बाल गोपाल महर्जन साफ च्याम्पियनसिपको सेमिफाइनलमा पुर्याउने पहिलो नेपाली प्रशिक्षक बनेका छन् ।

बंगलादेशको ढाकामा जारी साफ च्याम्पियनसिपमा नेपाललाई सेमिफाइनलमा पुर्याउदै प्रशिक्षक महर्जनले उक्त कीर्तिमान बनाएका हुन् । शनिबार भएको समूह चरणको अन्तिम खेलमा नेपालले बंगलादेशलाई २-० ले हराएर सेमिफाइनलमा स्थान बनाएको थियो ।

बंगलादेशविरुद्धको जितसंगै प्रशिक्षक महर्जन साफको सेमिफाइनल खेल्ने पहिलो नेपाली प्रशिक्षक बने । नेपालको साफमा यो चौथो सेमिफाइनल यात्रा हो । यस अघिको तीन संस्करणमा नेपाल विदेशी प्रशिक्षण रहदा सेमिफाइनलमा पुगेको थियो ।

सेमीफाइनल पुर्याउने  यस  अघिका  प्रशिक्षकहरु- 

१. टोर्टन फ्रांक स्प्लिटर (जर्मन )- सन् १९९९ गोवा 

२. ग्राहम  रोबर्ट्स (इंग्ल्यान्ड )- सन् २०११  दिल्ली 

३. ज्याक  स्टेफ़ोनोस्कि (पुर्टोरिको)- सन्  २०१३  काठमाडौँ