किपरको गल्ती र पहिलो गोल नै जितको आधार - प्रशिक्षक श्रेष्ठ

काठमाडौं ।नेपाली राष्ट्रिय टोलीका सहायक प्रशिक्षक किरण श्रेष्ठले नेपालको जितको आधार बंगलादेशी किपरको गल्ति भएको बताएका छन् ।

खेलपछि पोस्ट म्याच कन्फरेन्समा बोल्दै श्रेष्ठले योजना अनुसार खेल्दा जित निकाल्न सफल भएको बताए ।

'पहिलो गोल नै खेलको टर्निङ प्वाइन्ट बन्यो । गोलरक्षकको गल्ती हामो लागि फाइदा भयो,' सहायक प्रशिक्षक श्रेष्ठले भने, 'पाकिस्तानले जितिसकेपछि हामीलाई जित्न दवाव बढेको थियो । तर, हामी योजना अनुसार खेल्दा सफल भयौ ।'

निकै महत्वपूर्ण खेलमा नेपालले बंगलादेशलाई २ - ० ले हराएर सेमिफाइनलमा पुगेको थियो । समूह 'ए' बाट नेपाल समूह विजेता बनेको हो ।