साफ च्याम्पियनसिप : नेपाली टोली बंगबन्धु रंगशाला आइपुग्यो

काठमाडौं । साफ च्याम्पियनसिप अन्तर्गत बंगलादेशविरुद्धको खेलका लागि नेपाली टोली बंगबन्धु रंगशाला आइपुगेका छन्  ।

बंगलादेशविरुद्ध हुने महत्वपूर्ण खेलका लागि नेपाली टोली रंगशाला आइपुगेका हुन् ।

नेपालले आज बेलुका पौने सात बजे बंगलादेशविरुद्ध प्रतिस्पर्धा गर्दैछ । नेपाललाई यो खेल निकै महत्वपूर्ण रहेको छ ।

नेपालले भुटानविरुद्ध खेलेका मध्ये दुई खेलाडी परिवर्तन गरेको हो ।

नेपालले अन्जन बिष्टको स्थानमा भरत खवास र विशाल राईको स्थानमा निराजन खड्कालाई टिममा राखेको छ । बंगलादेशविरुद्ध नियमित कप्तान विराज महर्जनलाई पहिलो रोजाईमा राखिएको छैन ।

सेमिफाइनलमा स्थान बनाउन नेपाललाई आजको खेल जित्नै पर्ने दबाबमा रहेको छ ।

हेर्नुस नेपालको प्लेईङ ११ -

गोलकिपर : किरण चेम्जोङ

डिफेन्डर : सुमन अर्याल, अनन्त तामाङ, आदित्य चौधरी, दिनेश राजवंशी

मिडफिल्डर : रोहित चन्द, निराजन खड्का, सुजल श्रेष्ठ, सुनिल बल

फरवार्ड : विमल घर्ति मगर,भरत खवास