साफ च्याम्पियनसप : भुटानविरुद्ध पहिलाे हाफमा पाकिस्तानलाई २-० अग्रता

ढाका । साफ च्याम्पियनसिप अन्तर्गत भुटानविरुद्धको खेलको पहिलो हाफमा पाकिस्तानले २ - ० को अग्रता बनाएको छ ।

बंगबन्धु रंगशालामा पाकिस्तानका लागि महम्मद रियाज र हसन बसीरले एक एक गोल गरे ।

खेलको २० औ मिनेटमा भुटानको कमजोर डिफेन्सको फाईदा उठाउदै पाकिस्तानका रियाजले पेनाल्टी क्षेत्रबाट गोल गर्दै सुरुवाती अग्रता दिलाए ।

त्यसको ९ मिनेटमा  बसिरले गोल गर्दै पाकिस्तानको अग्रता दोब्बर बनाए ।

पाकिस्तानले पहिलो हाफमा २ - ० को अग्रता बनाएसंगै नेपाललाई सेमिफाइनलमा पुग्न जित्नै पर्ने दबाब बढेको छ । नेपालले बंगलादेशसंग आजै बेलुका खेल्दैछ ।

समूह चरणको दुई खेल सकिदा नेपाल र पाकिस्तानले समान ३/३ अंक जोडेको छ । बंगलादेशको २ खेलबाट ६ अंक रहदा भुटान अंकबिहिन रहेको छ ।

यस्तोमा बंगलादेश, पाकिस्तान र नेपालको दोस्रो चरण पुग्ने सम्भावना उत्तीकै छ । यद्दपी बंगलादेशलाई दोस्रो चरणमा पुग्न नेपालविरुद्धको खेलमा बराबरीले पुग्नेछ । भुटानको गणितीय सम्भावना मात्र बाँकी रहेको छ ।