लिड्सलाई हराउँदै चेल्सी शीर्ष स्थानमा

एजेन्सी । लण्डन क्लब प्रिमियर लिग फुटबलको शीर्ष स्थानमा उक्लिएको छ ।

शनिबार राति घरेलु मैदानमा चेल्सीले लिड्स युनाईटेडलाई ३–१ गोल अन्तरले पराजित गरेको हो ।

झण्डै ९ महिनापछि घरेलु दर्शक अघि चेल्सीले जित निकालेको हो ।

खेलको सुरुवातमै प्याट्रिक बामफोर्डको गोलमा पाहुना टोली लिड्सले अप्रत्यासित अग्रता लिएको थियो । चेल्सीकै पूर्व खेलाडी रहेका बामफोर्डले ५ वर्ष लण्डन क्लबमा बसेपनि सिनियर टिमबाट खेल्न पाएका थिएनन् ।

ओलिभर जिराउडले यस सिजन पहिलो पटक सुरुवाती सेटमा रहेर मैदान उत्रिएका थिए । च्याम्पियन्स लिगको खेलमा सेभियाबिरुद्ध ४ गोल गरेपछि उनलाई प्रिमियर लिगमा प्लेईङ सेटमा उतारिएको थियो ।

रिस जेम्सले २७ औं मिनेटमा घरेलु टोलीलाई खेलमा फर्काएका थिए ।

डिफेन्डर जुमाले ६१ औं मिनेटमा चेल्सीलाई २–१ को अग्रता दिलाए ।

दोस्रो हाफको इन्जुरी समयमा क्रिस्टियन पुलिसिकले गोल गर्दै चेल्सीलाई सहज जित दिलाए ।

चेल्सीले शीर्ष स्थानमा रहदै एक अंकको अग्रता लिएको छ ।

शीर्ष स्थानको लण्डन क्लबको २२ अंक छ । दोस्रो स्थानको टोटेनहम र तेस्रो स्थानको लिभरपुलको समान २१ अंक छ । लिड्स १४ अंक सहित तालिकाको १३ औं स्थानमा छ ।