बार्सिलोनाका अन्तरिम अध्यक्षको आलोचना

एजेन्सी । बार्सिलोनाका प्रशिक्षक रोनाल्ड कोम्यानले क्लबका अन्तरिम अध्यक्ष कार्लोस टस्केट्सको प्रतिक्रियाको आलोचना गरेका छन् ।

लियोनल मेस्सीको बिषयलाई लिएर अन्तरिम अध्यक्षले दिएको अभिब्यक्तिलाई प्रशिक्षक कोम्यानले आलोचना गरेका हुन् ।

अन्तरिम अध्यक्ष टस्केट्सले लियोनल मेस्सीलाई आगामी समर ट्रान्सफरमा बेच्नुपर्ने धारणा राखेका थिए ।

उनले ३३ वर्षिय फरवार्डलाई बेच्न आवश्यक रहेको भन्दै त्यसले क्लबलाई आर्थिक रुपमा फाईदा पुग्ने धारणा राखेका हुन् ।

मेस्सीको क्लबसंगको सम्झौता यस सिजनको अन्त्यसंगै सकिदैछ । उनी यस सिजनको अन्त्यसंगै क्लबबाट बाहिरिन सक्नेछन् ।

‘मलाई मतलब छैन, क्लबको बाहिर के भनिएको छ । तर क्लब भित्र यस प्रकारको टिप्पणीले हामीलाई आफ्नो काम गर्न जुन चिज आवश्यकता छ, त्यो गर्न सहयोग गर्ने छैन ।’ कोम्यानले भने ।

‘हामी यो भन्न सक्दैनौ, बाहिर के भनिएको छ । तर भित्रको एक फरक कथा रहेको छ ।’ उनले थपे ।

अर्जेन्टिनाका अन्तराष्ट्रिय खेलाडी मेस्सीले आफ्नो सम्पूर्ण करियर बार्सिलोनामा बिताएका थिए । उनले गत अगष्टमा क्लब छाड्न चाहेको बताएका थिए । सोही अनुसार आफुलाई निशुल्क क्लब छाड्न पाउने प्रावधान सक्रिय गरिदिन क्लबसंग अनुरोध गरेका थिए ।

तर क्लबले मेस्सीको माग अनुसार निशुल्क छाड्न नसकिने प्रष्ट पार्दै अर्जेन्टिनी फरवार्ड अनुबन्धनका लागि ७ सय मिलियन युरो तिर्नुपर्ने बताएको थियो ।

‘यदी त्यहाँ कोही आफ्नो भविष्यको बिषयमा निर्णय आवश्यक छ भने त्यो लियोनै हुन् ।’ कोम्यानले भने ।

‘मेस्सीलाई बेच्ने अन्तरिम अध्यक्षको ब्यक्तिगत बिचार हुन सक्छ । र म यसको सम्मान गर्छु । तर लियोको सम्झौता अझै एक वर्ष बाँकी छ । र उनैलाई यसको निर्णय लिन आवश्यक छ ।’ उनले थपे ।