एकदिवसीय वरीयतामा नेपाल यथावत

काठमाडौं । अन्तराष्ट्रिय क्रिकेट परिषद (आईसीसी) को एकदिवसीय अन्तराष्ट्रिय वरीयतामा नेपाल यथावत रहन सफल भएको छ ।

आईसीसीले सार्वजनिक गरेको एकदिवसीय अन्तराष्ट्रियको नयाँ वरीयतामा नेपाल यथावत रहदै १६ औं स्थानमा रहेको हो । अघिल्लो वरीयतामा पनि नेपाल १६ औं स्थानमै रहेको थियो ।

नेपालले गत मार्चमा थाइल्याण्डमा भएको एसीसी इस्टर्न रिजन टी-ट्वान्टी प्रतियोगिता खेलेपछि कुनै पनि अन्तराष्ट्रिय खेल खेकेको छैन ।

गत वर्ष नेपालमा भएको ऐतिहासिक एकदिवसीय सिरिज खेलेपछि नेपालले कुनै पनि एकदिवसीय अन्तराष्ट्रिय खेल खेलेको छैन ।

नयाँ वरीयता अनुसार नेपालले ९ खेलबाट १ सय ६१ रेटीङ अंक पाएको छ ।

एकदिवसीय वरीयताको शीर्ष स्थानमा इंग्ल्याण्ड, दोस्रोमा भारत, तेस्रोमा न्युजिल्याण्ड रहेका छन् । यस्तै चौंथो स्थानमा अष्ट्रेलिया र दक्षिण अफ्रिका पाँचौ स्थानमा रहेका छन् ।

टी-ट्वान्टी वरीयतामा नेपाल १५ औं स्थानमा रहेको छ ।