साफ फुटबल : विमलको गोलमार्फत खेलमा फर्कियो नेपाल

काठमाडौं ।  साफ च्याम्पियनसिपमा विमल घर्तिमगरको गोलमार्फत नेपाल खेलमा फर्किएको छ ।

पहिलो हाफमा पाकिस्तानसंग एक शुन्यले पछाडी परेको स्थितीलाई उल्ट्याउदै नेपालकालागि विमलले गोल गरेका छन् ।

उनले खेलको ८३ औ मिनेटमा बराबरी गोल फर्काएका हुन् ।

खेलको ३७ औ मिनेटमा नेपालले एक गोल ब्यहोरेको थियो । पेनाल्टीमार्फत पाकिस्तानलाई मोहमद रिजाले अग्रता दिलाएका थिए ।

समूह ए मा रहेको नेपाललाई अघिल्लो चरणमा प्रवेशकालागि पाकिस्तानलाई जित्नैपर्ने दबाब छ । नेपालले बिहिबार भुटान र शनिबार बंगलादेशको सामना गर्नेछ ।

साफ फुटबलको १२ औं संस्करणसम्म आइपुग्दा नेपालले उपाधि जित्न सकेको छैन ।