एजेन्सी । इंग्ल्यान्डका फरवार्ड मार्कस रासफोर्डले बेलायतको प्रतिष्ठित अर्डर अफ द ब्रिटिस एम्पायर (एमबीई) अवार्ड प्राप्त गरेका छन् ।
कोरोना भाईरसको महामारीको समय आर्थिक अवस्था कमजोर भएको बालबालिकालाई गरेको सहयोगको कदरमा रासफोर्डले एमबीई अवार्ड पाएका हुन् ।
म्यानचेस्टर युनाइटेडका फरवार्डले कोरोना महामारीको समय स्कुले बालबालिकालाई निशुल्क खाना खुवाउने अभियान चलाएका थिए ।
जसको कदरमा बेलायती महारानी एलिजाबेथले एमबीई अवार्डको लिस्टमा रासफोर्डलाई राखेकी हुन् ।
रासफोर्डले चलाएको अभियानले १.३ मिलियन कमजोर आर्थिक अवस्था भएको बालबालिकालाई निशुल्क खाना दिईएको थियो ।
'अविश्वसनीय सम्मानबाट सम्मानित भएको छु । काला जातिको रूपमा मैले एमबीई पाउने कहिल्यै सोचेको थिइनँ,' २२ वर्षे रासफोर्डले भनेका छन्, 'म एमबीई स्वीकार्ने छु । यो मेरो र मेरो परिवारको लागि एकदम विशेष क्षण हो । तर विशेष गरी मेरो आमा यो सम्मानको योग्य हुनुहुन्छ ।'
रासफोर्डको अभियानलाई बेलायत सरकारले समेत समर्थन गरेको थियो ।
