सन्दीप दिल्लीको प्लेईङ सेटमा परेनन्
एजेन्सी । इन्डियन प्रिमियर लिग (आईपीएल) क्रिकेटमा नेपाली लेग स्पिनर सन्दीप लामिछाने आबद्द दिल्ली क्यापिटल्सले अहिले किंग्स इलेभेन पन्जाबसँग प्रतिस्पर्धा गर्दैछ ।
दुबई अन्तराष्ट्रिय क्रिकेट स्टेडियममा सन्दीप आबद्द टिम दिल्लीले पहिले ब्याटिङ गर्ने भएको छ ।
पन्जाबले टस जितेर पहिले बलिङ रोजेपछि दिल्लीले पहिले ब्याटिङ गर्ने भएको हो ।
तर, सन्दीपले सिजनको पहिलो खेल खेल्ने छैनन् । दिल्लीले पन्जाबविरुद्ध सन्दीपलाई प्लेईङ सेटमा राखेको छैन ।
सन्दीपले लगातार तेस्रो पटक आईपीएल खेल्न लागेका हुन् ।
सन्दीप वेष्ट इण्डिजको क्यारिबियन प्रिमियर लिग (सीपीएल) खेलेर आईपीएलका लागि दुबई पुगेका थिए ।
सन्दीपले सीपीएलमा राम्रो बलिङ गरेका थिए ।
सन्दीपले विजेता ट्रिनबागो नाइट राइडर्सविरुद्धको सेमिफाइनल खेलमा बाहेक अन्य सबै खेलमा विकेट हात पारेका थिए ।
आज दुबै टिम जित निकाल्ने लक्ष्यसहित मैदान उत्रिएका छन् ।
पहिलो खेलका लागि मैदान उत्रदा दिल्ली र पन्जाब सुखद सुरुवात गर्ने लक्ष्यमा रहेका छन् ।
