पुलिस क्रिकेट टिमबाट ललितलाई आर्थिक सहयोग 

काठमाडौं । सडक दुर्घटनामा परि घाइते भएका राष्ट्रिय टिमका क्रिकेटर ललित भण्डारीलाई नेपाल पुलिस क्लबको क्रिकेट टिमले आर्थिक सहयोग गरेको छ ।

गत हप्ता महेन्द्रनगरमा सडक दुर्घटनामा परेका ललितको हाल काठमाडौं ग्राण्डी अस्पतालमा उपचार भईरहेको छ ।

 ललितलाई पुलिस टिमले ७७ हजार आर्थिक सहयोग गरेको हो ।

पुलिस क्रिकेट खेलाडीबाट संकलित सो रकम टिमले ग्राण्डी अस्पताल पुगेर ललितकी श्रीमतिलाई हस्तान्तरण गरेको थियो ।

‘खेलाडी र अफिसलबाट संकलन भएको रकम हस्तान्तरण गरेको हौं,’ पुलिस टिमका पुर्व खेलाडी ज्योति कमल गुरुङले खेलापटीसँग भने ।

ललितलाई हाल प्रदेश नम्बर १ मा कार्यरत डिआईजी इश्वर बाबु कार्की सहितको टिमले सहयोग गरेको छ ।

उपचाररत ललितलाई भेट्न पुलिस टिमका कप्तान मंजित श्रेष्ठ, राष्ट्रिय टिमका उपकप्तान दिपेन्द्र सिंह ऐरी, अमित श्रेष्ठ, अभिनाष कर्ण, विजय कुमार घिताल र पुर्व क्रिकेटर ज्योति कमल गुरुङ अस्पताल पुगेको थिए ।

महेन्द्रनगर जाँदै गर्दा सडक दुर्घटनमा परेका ललितलाई धनगढी र नेपालगंजमा उपचार हुन नसकेपछि तथ उपचारको लागि काठमाडौं ल्याइएको हो ।

ललितको सफल शल्यक्रिया समेत भैसकेको छ । उपचाररत ललितको आर्थिक सहयोगका लागि हाल विभिन्न संघ संस्थाबाट आर्थिक संकलन भैरहेका छन् ।