डेभिड विलिलाई कोरोना

एजेन्सी । इंग्ल्यान्ड क्रिकेटका अलराउन्राडर डेभिड विलिलाई कोरोना भाईरसको संक्रमण देखिएको छ ।

३० वर्षे विलिले सामाजिक संजाल ट्वीटरबाट आफुलाई कोरोना पोजेटिभ देखिएको बताएका छन् ।

विलिले आफु र श्रीमतीलाई कोरोना देखिएको बताउदै समर्थकको पार्थनाका लागि धन्यवाद दिएका छन् ।

'मेरो पत्नी र मलाई कोरोना पोजेटिभ देखिएको छ । बाँकी खेल गुमाउनु पर्ने भयो,' विलिले ट्वीट गरेका छन् , 'चिन्ताजनक विषय भनेको मसँग ३ खेलाडी आइतबार संगै बसेका थियौं । यसको मतलब उनीहरु समेत खतरामा छन् ।'

विलिसंगै समय बिताएका टिमका उपकप्तान टम काड्मोरे, जोस पोइस्डेन र म्याथ्यु फिसरले आगामी खेल गुमाउने भएका छन् ।

राष्ट्रिय टिमबाट बाहिर रहेका विलिले टी-ट्वान्टी ब्लास्टमा योर्कशायरको कप्तानी गरिरहेका छन् ।

विलिले इंग्ल्यान्डको लागि ४९ एकदिवसीय अन्तराष्ट्रिय क्रिकेट खेलका छन् । उनले २८ टी-ट्वान्टी अन्तराष्ट्रिय समेत खेलेका छन् ।