युएईका क्रिकेटर अमिर र अस्फाक निलम्बित

एजेन्सी । अन्तराष्ट्रिय क्रिकेट परिषद् (आईसीसी) ले युएईका दुई क्रिकेट खेलाडीलाई अस्थायी निलम्बन गरेको छ ।

आईसीसीले एन्टी करप्सन नियम उलंघन गरेको भन्दै अमिर हायात र अस्फाक अहमेदलाई अस्थायी निलम्बन गरेको हो ।

आईसीसीले तत्कालबाट लागु हुने गरी दुबै खेलाडीलाई निलम्बन गरीएको जनाएको छ ।

दुबै खेलाडीलाई आईसीसीले १४ दिन भित्र प्रतिक्रिया दिन समेत निर्देशन दिएको छ ।

यस अघि इमिरेट्स क्रिकेट बोर्डले अस्फागलाई टी-ट्वान्टी विश्वकप छनोटको दौरान गत अक्टोबरमा निलम्बन गरेको थियो ।