इंग्ल्यान्डविरुद्ध दबाबमा अष्ट्रेलिया

एजेन्सी । घरेलु टिम इंग्ल्यान्ड र अष्ट्रेलियाबीचको दोस्रो टी-ट्वान्टी आज (शनिबार) हुँदैछ ।

साउथह्याम्पटनमा हुने इंग्ल्यान्ड र अष्ट्रेलियाबीचको खेल नेपाली समय अनुसार साँझ ७ बजे सुरु हुनेछ ।

द रोस बल मैदानमा दुबै टिम जित निकाल्ने लक्ष्यसहित मैदान उत्रने छन् ।

पहिलो खेलमा जित निकालेको इंग्ल्यान्ड दोस्रो खेल जित्दै सिरिज आफ्नो बनाउने लक्ष्यमा हुनेछ ।

पहिलो खेलमा इंग्ल्यान्डले अष्ट्रेलियामाथि २ रनको रोमान्चक जित निकालेको थियो ।

पहिलो खेलको जितले तीन खेलको सिरिजमा इंग्ल्यान्ड १-० ले अघि रहेको छ ।

तर, अष्ट्रेलिया दोस्रो खेल जित्दै सिरिज १-१ को बराबरी गर्न चाहन्छ ।

अष्ट्रेलिया दोस्रो खेल जितेर सिरिज जित्ने सम्भावना कायम राख्न चाहन्छ ।

सिरिज जोगाउन जित्नै पर्ने हुँदा अष्ट्रेलिया दबाबमा हुनेछ । जसको फाइदा इंग्ल्यान्डले उठाउन सक्छ ।

यस्तै दुई टिमबीचको तेस्रो तथा अन्तिम खेल मंगलबार हुनेछ

अष्ट्रेलियाले टी-ट्वान्टी सिरिजपछि इंग्ल्यान्डसँग एकदिवसीय सिरिज खेल्नेछ । एकदिवसीय सिरिज सेप्टेम्बर ११ बाट सुरु हुनेछ ।